जय जय महाराष्ट्र माझा

जय जय महाराष्ट्र माझा


जय जय महाराष्ट्र माझा, गर्जा महाराष्ट्र माझा
रेवा वरदा, कृष्ण कोयना, भद्रा गोदावरी
एकपणाचे भरती पाणी मातीच्या घागरी
भीमथडीच्या तट्टांना या यमुनेचे पाणी पाजा
जय जय महाराष्ट्र माझा ...

भीती न आम्हा तुझी मुळी ही गडगडणार्या नभा
अस्मानाच्या सुलतानीला जवाब देती जीभा
सह्याद्रीचा सिंह गर्जतो, शिवशंभू राजा
दरीदरीतून नाद गुंजला महाराष्ट्र माझा

काळ्या छातीवरी कोरली अभिमानाची लेणी
पोलादी मनगटे खेळती खेळ जीवघेणी
दारिद्र्याच्या उन्हात शिजला, निढ़ळाच्या घामाने भिजला
देशगौरवासाठी झिजला
दिल्लीचेही तख्त राखितो, महाराष्ट्र माझा

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

आम्ही गड्या डोंगरचं रहाणारं

आम्ही गड्या डोंगरचं रहाणारं चाकर शिवबाचे होणार॥ध्रु॥ निशाण भगवे भूवर फडके शत्रूचे मग काळिज धडके मावळे आम्हीच लढणार ॥१॥ तानाजी तो वीरच मोठा लढता लढता पडला पठ्ठा परि नाही धीरच सोडणार ॥२॥ धनाजी जाधव रणात दिसता शत्रु पळे प्रतिबिंब बघता घोडं नाही पाणीच पिणार ॥३॥ बाजीराव तो वीरच मोठा कणसं खानि लढला पठ्ठा घोडं तो दौडीत सोडणार ॥४॥ जगदंबेच्या कृपाप्रसादे शिवरायाच्या आशीर्वादे म्होर म्होर आम्हीच जाणार ॥५॥
अधिक वाचा

छत्रपती शिवरायांचा त्रिवार जयजयकार

छत्रपती शिवरायांचा त्रिवार जयजयकार ॥ध्रु॥ हिंदवी स्वराज्याचे तोरण बांधुनिया गाजवी समरांगण आई भवानी प्रसन्न होउन देई साक्षात्कार ॥१॥ धर्माचा अभिमानी राजा देशाचा संरक्षक राजा चारित्र्याचा पालक राजा घडवी देशोद्धार ॥२॥ स्फूर्तीकेन्द्र हे भारतियांचे दैवत अमुच्या महाराष्ट्राचे आद्यप्रवर्तक संघटनेचे सदा विजयी होणार ॥३॥ पूजा बांधू सामर्थ्याची इच्छापूर्ती श्रीशिवबाची उठता ऊर्मी समर्पणाची काय उणे पडणार ॥४॥ प्रभात झाली लोकशाहिची जाणिव हो कर्तव्याची घेउ प्रतिज्ञा एकजुटीची नको आता माघार ॥५॥ कितीक झाले आणी होतिल राजे असंख्य जगती परी न शिवबासम होइल या अवनीवरती राजे छत्रपती ॥६॥
अधिक वाचा

शिवरायांचे नाव घेता....

शरयु नदीला पूर येता पाणी आलं गळ्याला l शरयु नदीला पूर येता पाणी आलं गळ्याला llधृll शिवरायांचे नाव घेता अफझल्या पळाला l पळाला पळाला कोथळा टाकून पळाला l शिवरायांचे नाव घेता अफझल्या पळाला ll1ll शरयु नदीला पूर येता पाणी आलं गळ्याला l शिवरायांचे नाव घेता शाहिस्त्या पळाला l पळाला पळाला बोटे टाकून पळालाl शिवरायांचे नाव घेता शाहिस्त्या पळाला ll2ll शरयु नदीला पूर येता पाणी आलं गळ्याला l संभाजींचे नाव घेता औरंग्या पळाला l पळाला पळाला टोप्या टाकून पळाला l संभाजींचे नाव घेता औरंग्या पळाला ll3ll शरयु नदीला पूर येता पाणी आलं गळ्याला l ताराराणींचे नाव घेता औरंग्या पळाला l पळाला पळाला स्वप्ने तोडून पळाला l ताराराणींचे नाव घेता औरंग्या पळाला ll4ll शरयु नदीला पूर येता पाणी आलं गळ्याला l तानाजींचे नाव घेता उदयभान पळाला l पळाला पळाला तलवार टाकून पळाला l तानाजींचे नाव घेता उदयभान पळाला ll5ll शरयु नदीला पूर येता पाणी आलं गळ्याला l मुरारबाजींचे नाव घेता दिलेरखान पळाला l पळाला पळाला वेडा सोडून पळाला l मुरारबाजींचे नाव घेता दिलेरखान पळाला ll6ll llपुण्यश्लोक छत्रपती श्री.शिवाजी ...
अधिक वाचा